Posts

Showing posts from November, 2015

இந்தியாவின் பயங்கரவாத இயக்கம் முதலிடத்தில் இருப்பது ஆர்.எஸ்.எஸ். RSS

Image
இந்துத்துவ பார்ப்பானிய மதவாதிகளான ஆர்.எஸ்.எஸ், பாஜக, விஷ்வ இந்து
பர்ஷித், சிவசேனா, இன்னும் பல இயக்கங்கள் மற்றும் கட்சிகளின்
பயங்கரவாதத்தை எதிர்க்கின்றபோது அதன் மையப்புள்ளியான பார்ப்பானியத்தை
முன்வைத்தே எதிர்க்கின்ற வேளையில் மதவாத ஆதர்வாளர்கள் பார்ப்பனர்களை
ஆதரிக்கும் விதமாக வாதம் புரிவதை முற்போக்காளர்கள் கண்டிருப்பார்கள்.
அவர்கள் பார்ப்பனர்க்கும் மேற்கண்ட இயக்கம் மற்றும் கட்சிகளுக்கும்
எவ்வித தொடர்புமில்லை, பார்ப்பனர்கள் எங்கேயும் நிர்வாக
பொறுப்புநிலைகளில் இல்லாதபோது இந்து இயக்கங்களை எதிர்க்கையில் ஏன்
பார்ப்பனர்களை உள்ளிழுக்கிறீர்கள், பார்ப்பானர் அல்லாதோரான இடைநிலை
சாதியாதிக்கர்களைத் தானே நீங்கள் எதிர்க்க வேண்டும். என்பது மதத்தீவிரவாத
ஆதரவாளர்களின் கருத்து வாதமாக இருக்கிறது. மதத்தீவிரவாதத்தை
எதிர்க்கின்றபோது இடைநிலை சாதியாதிக்கர்களின் எவ்வித செயலுக்கும்
ஆதிமூலமான பார்ப்பானியத்தையே சாடவேண்டியிருக்கிறது­. அவர்கள் தலித்திய
சாதி ஆதிக்கர்களாக இருந்தாலும் பார்ப்பானியத்தின் பிள்ளைகளாவே இருக்க
முடியும் என்பது எங்களின் வாதம். இதற்கிடையே ஆர்.எஸ்.எஸ் இன்
பயங்கரவாதத்தையும், பிராமணி…

நடிகர்களை "கூத்தாடிகள்" என இழிவுபடுத்துவது சரிதானா?

Image
திரையுலக கலைத்துறையினரை
விமர்சிக்கவும்,அவர்களை கீழ்த்தரமாக
வசைபாடவும் பெரும்பாலான
தமிழ்ச்சமூக மக்களால்
பயன்படுத்தப்படும் வார்த்தை
"கூத்தாடிகள்" என்பதாக இருக்கிறது.
எழுத்துலக விமர்கர்களும் , அறிவுலக
முற்போக்காளர்களும் இதற்கு
விதிவிலக்கல்ல,அவர்களும்
திரையுலக விமர்சனத்திற்கு
"கூத்தாடிகள்" என்றே
பயன்படுத்துகின்றனர். இது பொதுவாக
இழிவுபடுத்தவே
பயன்படுத்தப்படுகிறது என்பதை
அனைவரும் அறிவார்கள்,
கலைத்துறை சார்ந்தோரை
"கூத்தாடிகள்" என இழிபடுத்துவது
சரியா? என்கிற கேள்வி எழுகிறது,
இதற்கு எவ்வித தமிழ் ஆராய்ச்சிக்கும்
செல்ல விரும்பவில்லை, அதன்
நடையிலேயே "கூத்தாடிகள்" எனும்
கலையை நேரடியாகவே
இழிபடுத்துகிறார்கள் என்பது
உள்ளங்கை நெல்லிக்கனி போல
தெளிவாகிறது. இது சரியான
நடவடிக்கை தானா? சரியான புரிதல்
தானா? எனும் கேள்விப்பதம்தான்
தற்போதெழும் அவசியத் தேவையாக
இருக்கிறது.
நம் தாய்த்தமிழில் இயல் ,இசை,
நாடகம் எனும் முத்தமிழ் போற்றியே
தமிழை வளர்த்திருக்கின்றோம். சங்க
இலக்கியத்தை தாயாக இருந்து
வளர்த்தவைகளாக "முத்தமிழ்"
இருந்திருக்க…

ஊடறுக்கும் ஓர் இரவில்

Image
மெல்ல மெல்ல
ஆடைகளை அவிழ்த்து
என் மேனிதனை தழுவி
காற்றின் மென்மையாக
படர்கிறான் அவனொரு
கொடிமலர் போல

மோகம் துளிர்த்து
மனதை தளர்த்தி
மெய்சிலிர்த்து
எனனுள்ளே
அனலாய் ஏறும்
காம இச்சைதனை
உச்சி முகர்ந்தேன்
உச்சந்தலையில்
ஓங்கி விழந்தன
அதிர்வலைகள்

இன்பக்கடலில்
உணவு தேடும்
உணர்சியின்
மறுவேகத்தடையாக
ஏதோவொன்று
அவ்வப்போது
அலைபாயும்
சங்கடத்தில்
இருந்தும் நான்
பாய்விரிப்பில்
அப்படியே
அரைநிர்வாணமாய்

சங்கடச்செய்தி
விஷ்வரூபமெடுக்க
திணருகிறேன்

என்னை உள்ளே
தள்ளிவிட்டு
விடுக்கென
வெகுண்டெழுகிறது
வேட்டையாடும்
பருந்தொன்று

பட்டென
தன் அலகால்
என்னையது கொத்திவிட
அதிர்ந்து எழுகிறேன்
அத்தனையும் கனவாக
தூக்கம் தொலைத்து
என் துக்கம்
தொண்டையில்

உச்ச இன்பம்
உருகுலைந்து போனதில்
உருவத்து நிழல்களை
எல்லாம் வெறிகொண்டு
திட்டுகின்றேன்
திருட்டுத் தனமாக
என் கனவுக்குள்
நுழைந்து வேட்டையாட
வந்த பருந்தையும்
சேர்த்து

மீண்டும் படுத்தாலும்
பாய் விரிப்பில்
புரண்டாலும்
என் மீட்புக்காரன்
வர மறுக்கிறான்

காமம் கருவிழி எனில்
காதல்
கண்னிமையன்றோ

ஊடறுக்கும் ஓர் இரவில்
ஊடலுக்கும் கூடல…

அம்மா உத்தரவின் பேரில் மழை? ஆட்சியர்களும் அடிமைகளாக,,,

Image
தமிழக ஆளும் அதிமுக ஜெயா அரசின் சர்வாதிகார அடிமைத்தன ஆட்சிக்கு
அடையாளமாய் விளங்குவது அக்கட்சியின் அமைச்சர்களும், சட்டமன்ற
உறுப்பினர்களும் மட்டுமல்ல அரசு அதிகாரிகளான நாங்களும்தான் என்கிறது அரசு
உயர் மாவட்ட ஆட்சியாளர்கள் பேச்சுக்கள் மற்றும் கருத்துக்கள். அரசு
அதிகாரிகள் தாங்கள் என்ன பேசினாலும் ஜெயாவின் புகழுக்கும் அவரின் ஆதிக்க
மனோபாவத்திற்கும் களங்கம் விளைவிக்காத வண்ணம் மிகத் தெளிவாக?
கனங்கச்சிதமாக வார்த்தைகளை பிரயோகப்படுத்துகிறார­்கள். ஏதேனும் புது
வார்த்தைகளா? என்று எதிர்பார்க்கத் தேவையில்லை, எப்பொழுதும் போல
அக்கட்சியின் தொண்டர்கள் வரையில் உபயோகப்படுத்தும் அதே "அம்மாவின்
உத்தரவின் பேரில்" என்கிற தங்கத்தாரகையின் தாரக மந்திரம்தான் அது,,,
ஆனால் அத்தாரக மந்திரத்தை உபயோகித்த மாவட்ட ஆட்சியர் தற்போது பெரும்
சிக்கலில் மாட்டி அவதிப்படுகிறார். படித்த படிப்பை மறந்து, பெற்ற அறிவை
துறந்து, வகிக்கும் பதவியை பறக்கவிட்டு, எதற்கெடுத்தாலும் "அம்மாவின்
உத்தரவின் பேரில்" என உபயோகித்தால் அவஸ்தைகள் தானாகவே தேடிவருமென்பதற்கு
நல்லதொரு உதாரணமாய் விளங்கிறார் அந்த! மாவட்ட ஆட்சி…

திருவாங்கூர் சமஸ்த்தான இந்துத்துவ தலைவரின் ஆணாதிக்க கருத்து,,,

Image
நாம் பார்க்கும் சராசரி
நடவடிக்கைகளில் ஒன்று டாஸ்மாக
கடைகளில் எப்போதும் அலைமோதும்
கூட்டங்களை பார்த்தும்
பார்க்காதவாறே அல்லது அதனை
சகித்துக்கொண்டே கடந்து போவோம்,
ஆனால் கார்த்திகை மாதம் பிறந்து
விட்டலே ஒரு ஆத்ம திருப்தி நமக்குள்
முளைக்கத் தொடங்கும், அதற்கு
காரணம் "அப்பாடா ஓரளவிற்கு யாரும்
குடிச்சிட்டு வண்டி ஓட்ட மாட்டங்க"
"இப்பதா நிம்மதியா இருக்கு
குடிச்சிட்டு அவ்வளவா யாரும்
வம்பிழுக்கல" இப்படியான
சிந்தனைகளும் அதிலொரு
மனநிம்மதியே நமக்கு வரும். இந்த மன
நிம்மதியானது "ஐய்யப்பன்" என்று
இந்துக்களால் கடவுளாக்கப்பட்ட
கற்சிலைக்கு வந்தால்தான்
ஆச்சர்யமே,,, அன்றிரவு முழுக்கு மது
அருந்தி மதியிழந்து மயங்கிய
நிலையில் களியாட்டம் போட்டுவிட்டு
அதிகாலையில் திடீரென சபரி மலை
ஐய்யப்பனுக்கு மாலை
போட்டுக்கொண்டு உத்தரமாய்
வேஷமிடும் ஒழுக்கமற்றவர்களை
நிச்சயமாக இச்சமூகம் நிறைய
கண்டிருக்கும்.மற்ற மாதங்களில் வராத
ஒழுக்கம் அவர்களுக்கு கார்த்திகை
மாத 40 நாட்களில்
வந்துவிடுகிறது,,,அதுமட்டுமில்லாது
திடீர் சாமியார்களான அக்
குடிகாரர்களை மற்றவர்களும் "சாமி&…

விகடன் மீது வழக்கு தமிழக முதல்வர் அதிரடி

Image
தமிழத்தின் முன்னணி பத்திரிக்கையான விகடன் முழுமையாக வலதுசாரிய ஈடுபாடு
கொண்டிருந்தாலும் , அதன் சமூக அக்கரை கொண்ட கட்டுரைகளும்,கருத்து­க்களும்
பாராட்டுதலுக்குரியதா­கவே இருக்கும். பல்வேறு தரப்பினர்களின்
வாசிப்புகளுக்கு தேர்ந்த சுவாரஸ்யமான செய்திகளை வெளியிடுவதை கடமையாக
கொண்டிருக்கிறது விகடன் , அந்த வகையில் ஆளும் அதிமுக ஜெயா அரசின்,
அமைச்சர்கள் மீதான அலசல் அறிக்கையின் சிறப்புக் கட்டுரையாக, முதல்வர்
ஜெயலலிதாவின் செயல்பாடுகளை விமர்சனம் செய்து, ''என்ன செய்தார் ஜெயலலிதா?"
என்ற தலைப்பில் நவம்பர் 25 தேதியிட்ட இதழில் வெளியிட்டது. இதில் அதிமுக
அரசின் செயலற்ற மெத்தனப்போக்கினையும்­, அடிமையாகவே வாழ்ந்து
கொண்டிருக்கும் அமைச்சர்களை பற்றியும், பல்வேறு ஊழல்கள் குறித்தும்,
நான்கரை ஆண்டுகாலத்தில் நடந்த சமூக அவலங்களையும் வெளிச்சமிட்டுக்
காட்டியிருந்தது.
அது முதல் விகடன் பத்திரிக்கையை எதிர்த்து அதிமுக தொண்டர்கள் வரையில்
எதிர்ப்பு வலுத்த நிலையில் இன்று தமிழக முதல்வர் ஜெயலலிதா, சென்னை
செசன்ஸ் நீதிமன்றத்தில் ஆனந்தவிகடன் பத்திரிக்கை மீதும் அதன் ஆசிரியர்,
மற்றும் வெளியிட்டாளர் மீதும் அவ…

தலித் பெண் (கர்ப்பிணி) மீது தாக்குதல், பார்ப்பானியத்தின் கோவில் நுழைவுத் தடைகள் உடைபடுமா?

Image
ஒருங்கிணைந்த சமூகத்தின் ஒற்றுமை பிரதிபிம்பம் என்பது கூடிவாழ்தலும்,
கூட்டு முயற்சிக்கு ஒத்துழைத்தலுமேயாகும்­ . அதுவே சமூகச் சீரமைப்பிற்கான
வழியாக இருக்கிறது. ஆனால் இந்தியத்தில் அவ்வாறான கூடிவாழ்தலுக்கும்,
கூட்டுமுயற்சிக்கும் சாத்தியக்கூறுகள் அறவே இல்லை என்பது நடப்பு நிகழ்கால
சான்றாக விளங்குகிறது.
எத்தனையோ யுகங்கள் கடந்தபின்னரும் தொட்டால் தீட்டு, தொழுதால் தீட்டு,
என்று தலித்திய சிறுபான்மை மக்கள் மீது இந்துத்துவ பார்பானியம்
தொடுக்கும் அடிமைமுறை சங்கிலித் தொடராவாகவே நீண்டுக் கொண்டிருக்கையில்
எங்கிருந்து வந்துவிடும் இங்கே சமத்துவம். தாழ்த்தப்பட்டு, ஒடுக்கப்பட்டு
, ஒரு மூலையில் ஒதுக்கப்பட்ட தலித்துகளின் வாழ்வியல் துயரங்களை
விளக்கினால் நிச்சயமாக பார்ப்பானியம் நிர்வாணமாய் நடுத்தெருவில்
நிற்கும். அந்த அளவிற்கு தலித்துகள் மீதான தீண்டாமை ஒடுக்குமுறைகள் அளவு
கடந்து ஓர் எல்லையில்லாப் பயணமாக தொடர்ந்து கொண்டிருக்கிறது. எதற்கும்
ஓர் அளவுத் தீர்மானத்தை முன்வைக்கும் பல்வேறு விதமான முற்போக்குகாளர்கள்
தலித்துகள் மீதான தீண்டாமைகளுக்கு எவ்வித அளவு வைக்கப்படவேண்டுமென்றே­
தெரியாமல் விழிப்பிதுங…

துப்புரவுத் தொழிலாளிகள் என்றால் கேவலமானவர்களா?

Image
வீட்டின் அத்யாவசியத் தேவைகளை வாங்குவதற்காக அன்று கடைத்தெருவுக்கு
சென்றிருந்தேன், வழக்கம்போல மழைத் தூறல் விடாமல் போட்டுக்கொண்டே
இருந்தது. ஒருவழியாக அனைத்தையும் வாங்கியெடுத்துக் கொண்டு என் இருசக்கர
வாகனத்தை பறக்க விட்டேன் (மெதுவாகத்தான் 40 தாண்டாமல் பார்த்துக்கொள்வது
வழக்கம்,பழைய வாகனம் என்பதால் விரட்டினாலும் ஓரடி எடுத்து வைக்காது)
வழியில் எதையோ வாங்க மறந்துவிட்டேன் என்பதை உணர்ந்து கொண்டேன், என்ன
அதுவென்று பாதிதூரம் கடந்த பின்னர் நினைவுக்கு வர,,, அருகிலேயே
கிடைகக்கூடுமென்று கடைகளை தேடினேன். மெழுவர்த்திதான் அது,,,
மழையால் தொடர் மின்சார துண்டிப்பினால் ஏற்படும் இருளை தவிர்க்க அதுவே
போதும். ஒரு மளிகைக் கடை கண்ணுக்குத் தென்பட அருகில் சென்றேன், ஏற்கனவே
பொருட்களை வாங்கும் இரண்டு வாடிக்கையாளர்கள் அங்கே கடை உரிமையாளரிடம்
சகஜமாக பேசிக் கொண்டிருந்தனர். வாடிக்கையாளர்கள்,கடை­ உரிமையாளர் மூவருமே
ஒரே வயதுக்காரர்கள் போல தோற்றத்தில்,,, மூவரின் வயதும் கிட்டத்தட்ட
நாற்பதை தாண்டியிருக்குமென உள் அனுமானம் முடிவு செய்யது. மெழுகுவர்த்தி
வாங்கிக் கொண்டு நகர்ந்து போக முற்படுகையில் திடீரென பெருமழை வ…

அம்பேத்கரின் புத்தமத உறுதிமொழி ஏற்புரை,,,

Image
அண்ணல் அம்பேத்கர் அவர்கள் 1956 ஆம் ஆண்டு, செப்டம்பர் 23 இல் புத்த
மார்க்கத்தில் தன்னை இணைந்த பின் 22 உறுதிமொழி ஏற்பு சூளுரைகளை
பிரகடனப்படுத்தினார்.

அவை வருமாறு:

1. பிரம்மா, விஷ்ணு, மகேஸ்வரனிடம் எனக்கு நம்பிக்கை இல்லை; அவர்களைத்
தொழுது தொட்டு வழிபடவும் மாட்டேன்.

2. ராமன், கிருஷ்ணனிடம் எனக்கு நம்பிக்கை இல்லை; அவர்களைத் தொழுது தொட்டு
வழிபடவும் மாட்டேன்.

3. கௌரி, கணபதி மற்றும் இதர இந்து மத தெய்வங்களிடமும் பெண்
தெய்வங்களிடமும் எனக்கு நம்பிக்கை இல்லை; அவர்களைத் தொழுது தொட்டு
வழிபடவும் மாட்டேன்.

4. கடவுள்களின் அவதாரத் தத்துவத்தில் எனக்கு நம்பிக்கை இல்லை.

5. மகான் புத்தர், விஷ்ணுவின் அவதாரம் என்று நான் நம்பவில்லை; நம்பவும் மாட்டேன்.

6. நான் 'சிரார்த்தம்' செய்ய மாட்டேன். 'பிண்டதானமும்' தரமாட்டேன்.

7. புத்தரின் சித்தாந்தங்களுக்கும் போதனைகளுக்கும் மாறான முறையில்
எவ்வகையிலும் செயல்படமாட்டேன்.

8. பிராமணர்களைக் கொண்டு எந்த சமயச் சடங்குகளையும் செய்ய மாட்டேன்.

9. மனித குலத்தின் சமத்துவத்தில் நான் நம்பிக்கை கொண்டுள்ளேன்.

10. சமத்துவத்தை நிலைநாட்டப் பாடுபடுவேன்.

11. …

பேசும் இதயம் 2

Image
காலத்து
இடைவெளியில்
கருவேலங்காடு
முளைத்திருந்தது
பயனற்ற என்
கடுங்கோபமும்
விறகாகும்
என் மனமும்,,,
__________

என் மனச் சிறையை
குடைந்து
கொண்டிருக்கிறேன்
எப்போது
வேண்டுமானாலும்
வெளியே வரலாம்
நானொரு
சுதந்திரப் பறவையாக,,,
__________

எதுவும்
எமக்கானதில்லை
என்றபின்
எழுந்தாடுகிறது
என் மௌனம்,,,
__________

இதழில்
முத்தம்
பதிக்கையில்
இதயம்
கவிதை
எழுதுகிறது
காதல் வயப்படும்
கண் சொக்கியே
நிரந்தரமாய்,,,
__________

பசிக்கிறது
தட்டில் ஈரம்
ஒட்டவேயில்லை
வயிற்றில்,,,
__________

சுழன்று
சுழன்று
வேர்களை
பறிக்கும் புயல்காற்றுக்கு
ஆத்மார்த்தமாய்
அரைநிர்வாண
பரிசு
-அகோரங்கள்
__________

என் தேனீர்
கோப்பைகளை வெறித்து
பார்க்கும் ஈக்களே
அதில்
பாலுமில்லை
சர்க்கரையுமில்லை
வெறும் ஏமாற்றமே விஞ்சியிருக்கும்
உங்களுக்கு,,,
__________

சுற்றமெல்லாம்
சீற்றத்தில்
தவறை நானே
புரிந்தேன்
சுயமாய் வாழவே
இயற்கை அன்னையின்
பிள்ளைகளை
கொன்றேன்,,,
__________

காசுகள்
குளிக்கும்
நதி
அளந்து
போடுகிறார்கள்
லாரிகளில்
ஆற்று மணலை,,,
__________

கிழக்கு வாசல்
அழகான கோலம்

நடிகைகளின் விபச்சார ஈடுபாடும், முத்தப்போராட்ட முக்கிய குற்றவாளியும்

Image
முற்போக்கு என்றாலும் எல்லாவற்றையும் கண்மூடித்தனமாக ஆதரிப்பது என்பதும்
பிற்போக்கு என்றும் தளவளையத்திற்குள் வந்துவிடுகிறது. அந்த வகையில் கடந்த
(2014) ஆண்டு நவம்பர் மற்றும் டிசம்பர் மாதங்களில் தென்னிந்திய
ஊடககங்களாலும் , முற்போக்காளர்களாலும்­­ பெரிதும் கவரப்பட்ட ஓர்
போராட்டம்தான் "கிஸ் ஆஃப் லவ்" எனும் முத்தப் போராட்டம்.
சென்னைப்பெருநகரத்து உயர்படிப்பாளர்களான IIT மாணவர்கள் இந்த முத்தப்
போராட்டத்தால் தமிழகத்தை திரும்பி பார்க்கச்செய்தார்கள்­­ போலவே
தொடங்கப்பட்ட கேரளத்தில் அதன் தாக்கம் பரவலாக்கப்பட்ட நிலையில் , ஏன்
எதற்கு இந்தப் போராட்டம் , இதன் பின்புல அமைப்பாளர்கள் யார்? இந்துத்துவ
சங்பரிவார
அமைப்பை எதிர்க்க கையாளப்பட்ட போராட்டமெனில் எந்த வகையில் அது
இந்துத்துவத்தை எதிர்க்கிறது, என்கிற எவ்வித முன்யோசனை முயற்சிகளையும்
மேற்க்கொள்ளாமல் சமூக வலைதளங்களும் தங்கள் பங்கிற்கு ஆதரவு பதிவுகள்
இட்டு இந்திய அளவிற்கு "முத்தப் போராட்டத்தினை எடுத்துச் சென்றார்கள்"
இது இந்துத்துவ பார்ப்பானியத்தின் அடாவடிச் செயல்களுக்களுக்கான அல்லது
போலி கலாச்சாரத்திற்கான எதிர்ப்பு வகை என்…

என்னுள் நீயாக,,,

Image
நானாக என்னுள்
நீயாக
நம்மில் மெய்யாக
உயிரின் அர்த்தங்களை
உள்ளங்கையில்
சேகரித்திருக்கிறோம்

செங்காந்தள் மலராக
சீமை விளக்காக
ஞானப் பொருளாக
நமக்குள்ளே
காதல் வீதியுலா
வருவதற்கு வாழ்க்கை
கனவுகளை தீர்மானித்து
வைத்திருக்கிறோம்

வந்ததும் சென்றதும்
வரப்போவதுமாக
நிஜங்களை விழுதுகளாக நிழல்களை இரவாக
இமைகளின் இம்சைகளாக
ஒன்றிக் கலந்து
உறவாடும் உன்னத
பரிமாற்ற நிகழ்வுகளை
பக்குவப்படுத்தி
வைத்திருக்கிறோம்

வாழலாம் வாவென
அழைக்கிறாய்
வசந்தமாய்
வருகிறேனென
இசைகிறேன்

மலர்தேடும் தேனீக்கள்
மழைதேடும் மயில்கள்
இசைதேடும் குயில்கள்
நிலவுதேடும்
விண்மீன்கள்
கடல்தேடும் நதிகள்
இரைதேடும் பறவைகள்
இன்பமாய் நமை
வாழ்த்திட வருகின்றன
வரிசையில்

ஊடலும் கூடலும்
உன்னத காமச்சிறு
புனலும் காதலை
புகழ்ந்து பாடுகையில்
கண்ணெதிரே ஆடும்
கரிச்சாங்குருவிகளின்
மேள தாளங்களோடு
நம் திருமண முடிச்சுகள்

நமக்கே நமக்கான
நலின மயமான
வாழ்வியல் வாசலில்
வலதுகால் வேண்டாம்
இஷ்டப்படி உள்ளே வா
நம் உறவும் காதலும்
உண்மையதனால்,,,

பிரளயங்கள்
சடங்குகளின்
சந்ததிகளை அழிக்கும்

அழகே முத்துச்சிமிழே
முல்லை மலரே
வர்…

பேஸ்புக்கில் என் சுய பாதுக்காப்பு முறைகள்

Image
உலக மக்களின் உள்ளங்களில் நீங்காத இடம் பிடித்த ஒன்றுதான் பேஸ்புக்காக
இருக்கிறது. தங்கள் மனதில் தோன்றும் கருத்துக்களை எழுதவும்
பரிமாறிக்கொள்ளவும் மிக எளிதான ஓர் சமூக வலைதளமாக பேஸ்புக்
இருந்திருக்கிறது , இந்த பேஸ்புக்கில் போலி கணக்கர்களின் வருகை
நாளுக்குநாள் அதிகரித்துக்கொண்டிரு­க்கின்ற வேளையில் அவர்களிடமிருந்து
நம்மையும் நம் நட்பு வட்டங்களையும் சேர்த்தே பாதுகாப்பளிக்கபட வேண்டிய
கட்டாயம் நமக்கிருக்கிறது. ஆகவே நமது பாதுகாப்போடும் அடுத்தவரின்
பாதுகாப்புக்களையும் நாம் தீர்மாணிக்க வேண்டி தள்ளப்படுகின்றோம். பொதுவாக
நம்மை பெரிதும் அச்சுறுத்தும் போலி கணக்குகளின் நோக்கம் நிறைவேற அவர்கள்
பயன்படுத்துவது அதீத சாதிமத வெறியையும் முக்கியமாக ஆபாசத்தையும்
தேர்ந்தெடுக்கிறார்கள­். இதனால் பல தொல்லைகள் ஏற்பட்டு நட்புகள் பல
இழக்கும் அபாயக் கட்டத்தை நாம் நெருங்கிவிடுகிறோம். பேஸ்புக் பாதுகாப்பு
நடவடிக்கைகள் குறித்து பல்வேறு தரப்பினர்கள் எழுதி வந்தாலும் நம்மில்
இன்னும் விழிப்புணர்வு ஏற்படவேயில்லை என்பதே உண்மையாக இருக்கின்றது.
ஆகையால் எனது சொந்தப் பாதுகாப்பு நடைமுறைகளை இங்கே பகிர்ந்துகொள்ள
விரும்ப…

நீயாவது விட்டுக்கொடுத்திருக்கலாம்,,,

Image
உனதாடை
கிழிந்துள்ளது அப்படியே
திரிகிறாயே
கழற்றிக் கொடு
இப்படி
அம்மா அதட்டுகிறாள்

அமைதியாக
அவிழ்த்துத் தருகிறேன்
எனதாடைகளை

வெளித்தோற்றத்து
கிழிசலை தைக்கும்
அம்மாவின் நூலூசிகளால்
நிச்சயம் கோர்த்து
தைக்க முடியாது
என்
பிளந்து கிடக்கும்
மனதினை

மௌனத்தில் ஒருதுளி
விசம் கலந்து
கொடுத்தால் வலியில்லாமல் சாவேன்
என் காதலால் உடைந்த
மனதாலெழும் வலிகளை
விட அதுவொன்றும்
மரணவேதனையன்று

எப்படிச் சொல்வேன்
இதனை என்
அம்மாவிடம்
அவள் அழுவாளா
ஆறுதல் சொல்வாளா
இல்லை கோபக் கொடுஞ்சொல்லாயுதம் தொடுப்பாளா

ஏதுமறிந்திருக்கவில்லை ஏற்படுகிறது அதீத
பயங்கள்

காலங்கள் ஓடியது
தெரியாமல்
கானக்குயில்களின் இசைகளை அருந்தி
பழகிப்போன
காதலனுபவங்களை
கண் சிமிட்டும்
நேரத்தில் கண்ணாடி
உடைவது போல
இருவரின் கண்ணெதிரிலேயே உடைத்து விட்டோம்
காதலையும் காதலில் பூத்த மனதினையும்

யார்மீது தவறு? எப்படி
அத்தவறு நிகழ்ந்தது?
அலசிட வேண்டாம்
அத்தருணத்தில்
நிகழ்ந்துவிட்ட
ஒன்றால் மீண்டும்
மீட்டெடுக்கலாம்
என்றாலும் அப்போதது தோன்றவில்லை

போகட்டும் வழியொன்று
இருக்கிறதே
"விட்டுக் கொடுத்தல்"
எனும் தன்ம…

பருப்பு விலையில் பணம் கண்ட கார்ப்பரேட்டுகள்,,,

Image
பருப்பு விலைநிர்ணயம் மற்றும்
பருப்பை இருப்பு வைத்துக்
கொள்வதற்காக கார்ப்பரேட்
கம்பெனிகளுக்கு அரசாங்கம் திடீரென
விதிமுறைகளை தளர்த்தியது போன்ற
விபரங்கள் வெளியாகியுள்ள
நிலையில், மிகப் பெரும் பருப்பு ஊழல்
நடந்திருக்கிறது என்ற
குற்றச்சாட்டினை "அகில இந்திய
விவசாயிகள் சங்கம்"
எழுப்பியிருக்கிறது. பருப்பு வகைகளை
விவசாயிகளிடமிருந்து பெரும்
நிறுவனங்கள் நேரடியாக கொள்முதல்
செய்து கொள்ள அனுமதித்ததை
தொடர்ந்து, பருப்பு 1 கிலோ வெறும் 40
ரூபாய் மட்டுமே விவசாயிக்கு
கொடுத்த கார்ப்பரேட் கம்பெனிகள்,
அதை வெளிச் சந்தையில் ரூ 180
க்கென மொத்தம் 220 ரூபாய்க்குவிற்று
பல்லாயிரம் கோடி கொள்ளையடித்தன,
இதற்கு மத்திய அரசு உறுதுணையாக
நின்றதென, பருப்புஊழலை
விளக்குகிறது விவசாயிகள் சங்கம்.
அகில இந்திய விவசாயிகள் சங்கத்தின்
நிர்வாகிகள் கூட்டம் நவம்பர் 17
அன்று தில்லியில் அதன் தலைவர்
அம்ராராம் தலைமையில்
நடைபெற்றது. பொதுச் செயலாளர்
ஹன்னன்முல்லா உள்ளிட்ட
தலைவர்கள் பங்கேற்றனர். நாடு
முழுவதும் உள்ள விவசாய நிலைமை
குறித்து இக்கூட்டம் விரிவாக ஆய்வு
செய்தது. தமிழகம், ஆந்திரப்பிரதேசம்
ஆகிய …

நடிகர் சங்க அறிவிப்பும் நமக்கான விழிப்பும்

Image
மழை வெள்ளத்தில் பாதிக்கபட்ட
மக்களுக்கு உதவ வேண்டியது அரசின்
கடமை இதில் நடிகர் சங்கம் ஓன்றும்
செய்ய முடியாது நடிகர் சங்கம்
என்பது நடிகர்களின் பிரட்சனையை
மட்டும் தீர்க்க உள்ள அமைப்பு ஆகும்.
முதல்வரை சந்தித்த பின்
நடிகர் சங்க நிர்வாகிகள் இப்படி
அறிவித்திருக்கிறார்கள். மாற்றுக்
கோணத்தில் நடிகர்கள் சங்கம்
கூடியெடுக்கும் முடிவுகளிலும் சிலச்
சாதகமானவைகள் இடம்பெறவேச்
செய்கின்றன. ஈழ இனப்படுகொலை
குறித்து ரஜினி ஏன் பேசவில்லை,
உலகவங்கிகள் ஒப்பந்தம் குறித்து
உலகநாயகன் ஏன் கண்டனம்
தெரிவிக்கவில்லை, காஷ்மீர்
இனவாதம் குறித்து நாசர் ஏன்
வாய்திறக்கவில்லை , கடலூர்
சென்னை கரூர் வெள்ள பாதிப்பு
குறித்து நடிகர்சங்கம் ஏன்
கேட்கவில்லை, என்று நம்மறிவு
கேட்கும் கேள்விகளென்பது
அபத்தபமாகும். நடிகர்
சங்கத்திற்குள்ளேயும் பல
ஒடுக்குமுறைகள் காலங்காலமாக
இருந்துக்கொண்டே இருக்கிறது.
அதற்கான பலமானச் செயல்பாடுகளை
முதலில் அவர்கள் முன்னெடுக்கட்டும்
. கலைத்துறைக்கும் , அரசியலுக்கும்
இருக்கும் நெருக்கத் தொடர்பை
இவ்வகையான முடிவுகளின் மூலம்
பிரித்தெடுக்கலாம். அரசியல் வேறு,
கலைத்துறை வேறு என்கிற

யாழ் நூலகம்

Image
காற்றசைவின்
சப்தங்களையும்
மறந்து போயின
மரங்கள்

புத்தகங்களை
புரட்டும் கைகள்
இசைத்துக்
கொண்டிருந்தது
ஓர் அழகான
அனுபவத்தை

உள்ளே
மேசை நாற்காலியில்
வாழ்க்கைப் பாடம்
கற்கும் பள்ளிச்
சிறுவர்களும்
கல்லூரிக்
கனவாளர்களும்
ஒரு புரத்தில்

தான் பெற்ற
ஏற்கனவே அனுபவித்த
வாழ்க்கையின்
மனச்சாரல்களை
அசைபோட்டும்
இனி வாழப்போகும்
காலத்திய கனவுகளை
அலசியும்
ஆத்மார்த்தமாய்
புத்தகம் வாசிக்கும்
முதியோர்கள்
ஒரு புரத்தில்

எழுதியும்
எழுதப்படாமலும்
எழுத்தின் மூச்சினை
எப்போது வேண்டுமாலும்
உட்கொள்ளப்படலாம்
என்கிற ஆவலோடு
ஆங்காங்கே குறிப்பெழுத
வைத்திருக்கும்
பேனாக்களும்
நோட்டுகளும்
அவரவரிடத்தில்

தன் அறிவுக்கு எது
வேண்டுமென்பதை
ஏற்கனவே முடிவு
செய்துவிட்ட
மூளையின் சொல்படி
புத்தக தலைப்புகளையும்
எழுதிய
படைப்பாளியையும்
தேடி நகரும் புத்தக
மேய்ப்பர்கள்
ஆங்காங்கே

யாருக்கு என்ன
வேண்டும் எவ்விடத்தில்
எந்த புத்தகம் உள்ளது
எத்தனை புத்தகம்
சுற்றுலா சென்றுள்ளது
வாசிக்கப்படும்
புத்தகங்களை
குறிப்பெடுப்பது
சீர்மரபில்
அலமாரிகளில்
புத்தகம் அடுக்குவதென
அத்தனை பெருஞ்சுமை
வேலைகள…

அன்பெனும் ஆகாசப் பறவைகள்

Image
அடுத்த நிமிடமே
அழத்துடிக்கும்
மனங்களுக்காக
ஏதோ ஓரிடத்தில்
மடைகளைத் திறந்தே
வைத்திருக்கிறது
அன்பெனும் நேசம்

தாவிக்குதித்து
பெருங்கோபம் தவிர்த்து
அமைதியாய்
ஆனந்தமாய்
தேன் சுரக்கும்
பூக்களின்
நறுமணங்களாய்
நேசமிங்கே
யார் கண்ணிலும்
படாமல்
ஓர் அழுகையின்
கண்ணீரைத் துடைக்கும்
கைக்குட்டையாகிறது

யாருக்காக அழுகிறது
இந்த மனம்
ஆராய்ச்சியின் முடிவில்
இலக்கணங்கள்
உடைகின்றன
இமைகளின் துடிப்புகளை
அன்பெனும் ஆழ்கடல்
அள்ளி அணைக்கிறது

சிந்தப்படும் கண்ணீரில்
அடுத்தவர் படும்
வேதனைகளை அளவாக
படிக்கிறது இந்த
அன்பெனும் நேசம்

இவன்,இவள்,
இவர்கள்,இதற்குத்தான்
கண்ணீர் சிந்துகிறார்கள்
எதற்கெனும்
கேள்விகளுடைந்து
மனிதாபிமானமாக
அன்பின் பிறப்பிடமாக
மனிதம் போற்றுவதாக
எங்கும் நிறையும்
கண்ணீரின் கரிசனங்கள்

சனங்களை திட்டாதீர்கள்
சன்னல்களை
மூடாதீர்கள்
கண்ணீர்கள் நேசத்தின்
கால்களை தொட்டுத்
தழுவுகிறதே அன்றி
வாரிவிடுவதற்காக
அல்ல

ஒரு கணம்
அந்த ஒரு கணம்
அடுத்தவருக்காக
அழுகின்ற மனங்களின்
அழுக்குகளை
துடைக்கிறது என்
நேசத்து அன்பெனும்
ஆகாசப் பறவைகள்,,,

இணைய உலகிற்கு என் நன்றிகள்!

Image
இவ்வாண்டில் 300 பதிவுகளை எழுதிக் கடந்துவிட்டேன் . எதுவும்
சாத்தியமாகிறது என்னுள் பிறந்து வளர்ந்த நம்பிக்கையினால்,,, இணைய
வெளியில் அதுவும் வலைப்பூவுலகில் முதலில் என்னை எழுதவைத்தது பேஸ்புக்காக
இருக்கிறது. ட்விட்டர் எனக்கு அவ்வளவாக பரிட்சயமில்லை, உண்மையில்
பேஸ்புக்கால் எந்த நன்மையுமில்லை, அதுவொரு வெட்டியாக பொழுது போக்குமிடம்,
அதனால் எவ்வித சிந்தனைகளும் வளர்த்தெடுக்க முடியாதென வாதம் புரிவோர்களைக்
கண்டால் வேடிக்கையாகத்தான் இருக்கிறது. எனக்கு இவ்வளவு செய்திருக்கும்
பேஸ்புக்கை நீங்கள் சரியாகப் பயன்படுத்தவில்லை என்றே தோன்றுகிறது. "உன்
நண்பன் யாரென்றுச் சொல் நீயாரென்று சொல்கிறேன்" என்பதை மறந்திருப்பார்களோ
இவ்விவாதக்காரர்கள். நான் பேஸ்புக்கை, ஜி ப்ளசை எந்தளவுக்கு
காதலிக்கிறேனோ அதைவிட மேலாக வலைப்பூவினை காதலிக்கத் தொடங்கி விட்டேன்.
அவ்வளவு பிடித்திருக்கிறது இந்த பரந்து விரிந்த வலைப்பூவுலகம்.
பேஸ்புக்கில் நண்பர்களை எப்படித் தேர்ந்தெடுப்பது என்பதை உணர்ந்தாலே
நீயும் நல்ல நண்பனாகவும்,சிந்தனைய­ுள்ளவனாகவும் நிச்சயமாக இருப்பாய்.
எனது நட்பு வட்டம் அவ்வளவு அலாதியானது. ஊடகவியலாளர்க…

ஆண்(மை)கள் தினமா இன்று!

Image
இன்று ஆண்கள் தினமாம்
யார் ஆண்கள்? எது ஆண்மை என்று இன்றளவும் தீர்மாணிக்கப்படவில்லை " காளை
போல் கட்டுடலோடும் ,விந்துக்கள் சீறிப்பாயும் விவேகத்
துடிப்போடும்,முறுக்க­ு மீசைகள் கம்பீரத்தோடும் வலம் வருவதுதான் "ஆண்மை
அழகு" என்கிறார்கள் பொதுபுத்திக்காரர்கள்­. எது ஆண்மையென காட்ட ஆணின்
ஆயுதம் பெண்மைமீது பிரயோகப்படுத்தப்படுகிறது, நாட்டாமை என்கிற
திரைப்படத்தில் ஓர் வசனம் "ஒரு ஆம்பள எத்தன பொம்பளகிட்ட போனாலும் அவன்
ஆம்பளடி,ஒரு பொட்டச்சி பலபேர்கிட்ட போனா அதுக்கு பேரு வேறடி!" வசனம் நம்ம
தமிழ்நாட்டு திரைப்படமே தான், இதுதான் "ஆண்மை" என கற்பிதம் பெற்ற அறிவு
மழுங்கிய கத்தியாகத்தானே இருக்கும். "கற்பை பொதுவில் வைக்க மறந்தவர்கள்
நாம்" இன்னும் அப்படியே தொடர்கிறது ஆண்மை என்பது ஓர் ஆணாதிக்கமாய்,,,
வழக்கமாக எழுதும் கவிதை நோட்டினை புரட்டிப்பார்த்தேன் , சட்டென கண்ணில்
பட்டது என் பேனா கிறுக்கிய கவிதையொன்று,

"ஆ(ண்)மை"

பின்தொடர்ந்து
பின்தொடர்ந்து
பின்தொடர்ந்து
என் முதுக்குக்கு
பின்னாலே
அலைகிறார்கள்
பித்து பிடித்தவர்களாய்
மெதுவாக பயணிக்கும்…

பாரிஸ் தாக்குதல் "அந்த சில நிமிடங்கள்"

Image
கடந்த 13 ஆம் தேதி வெள்ளிக்கிழமை பிரான்ஸ் நாட்டு வரலாற்றில் ஒரு கருப்பு
நாளாக பதியப்பட்டு விட்டது
.132 பேரை பலி கொண்ட இத்தாக்குதலில் 350 க்கும் மேற்பட்டோர்
காயமடைந்துள்ளனர். 90 பேர் அபாய கட்டத்தில் இருக்கின்றனர். தாக்குதல்
நடந்த ஆறிடங்களில் ப்ளேஸ் த ரிபப்ளிக் எனுமிடத்தில் மட்டும் இரண்டு
இடங்களில் தாக்குதல் நடந்திருக்கிறது. லெ காரில்லோன் மற்றும் லெ பெத்தி
கம்போஜ் ஆகிய இரண்டு உணவகங்களில் தீவிரவாதியொருவன் நடத்திய கடும்
துப்பாக்கி சூட்டில் 15 பேர் சம்பவ இடத்திலேயே பலியாயினர்.
இதில் லெ பெத்தி கம்போஜ் எனும் கம்போடிய உணவகத்தை தீவிரவாதிகள்
தாக்கியபோது உள்ளே 6 தமிழர்கள் இருந்தனர். அவர்கள் அனைவரும்
அதிர்ஷ்டவசமாக உயிர் தப்பினர். இதற்கிடையே பாரிஸில் பயங்கரவாதத்
தாக்குதல் தொடர்பில் இதுவரை 24 பேர் கைது செய்யப்பட்டுள்ளதாக பிரெஞ்ச்
உள்துறை அமைச்சர் பெய்நார் காசநோவ் தெரிவித்திருக்கிறார். உலகை உலுக்கிய
இப்பேரழிவு தீவிரவாத தாக்குதலை நேரில் கண்டவர்களும் , அனுபவித்தவர்களும்
தங்களின் அந்த சில நிமிடங்களின் அனுபவத்தை பகிர்ந்திருக்கிறார்கள்.
பயங்கரவாத தாக்குதலில்
உயிர் தப்பியவர்களில் ஒருவரான க…

மிதக்கும் சென்னைக்கு யார் காரணம்? கார்ப்பரேட்டுகளே கல்லெறியாதீர்கள்,,,

Image
தொடர் கனமழை வெள்ளத்தால் மூழ்கிப்போன சென்னையின் இந்நிலைக்கு யார்
காரணமென்று அவரவர் மனசாட்சிகளுக்கே தெரியும், அதையும் தாண்டி தங்களின்
குற்றவுணர்வினை சதூர்த்தியமாக மறைக்க முற்படும் முதலாளித்துவ
நிலபிரபுக்களின் வாதங்கள் காக்கையின் எச்சங்களாய் குடிசைகளை நோக்கி
விழுகிறது. இது சரியான அனுகுமுறைதானா? என்று பரிசோதிக்கவும்
கார்ப்பரேட்டுகளின் மூளை செயல்படாது என்பதும் அறிந்த விஷயமே,,, சென்னை
வெள்ளத்தால் மூழ்கடிக்கப்பட்டதற்க­­ு முக்கிய காரணங்களை முன்வைக்கும்
இவ்வகையிலான முதலாளித்துவர்கள் "சென்னை ஆற்றோர குப்பத்து குடிசை
வாசிகளின் ஆக்கிரமிப்பே காரணம்" என கதைக்கிறார்கள். இக்கருத்துக்கள்
இணையம் மற்றும் பொதுவெளியில் அதிகப்படியாக பரப்பப்படுகிறது. உண்மையில்
குடிசை வாசிகள் ஆறுகளை ஆக்கிரமித்துள்ளார்கள­­ா! என்று நிச்சயமாக அவர்கள்
வாழும் சாக்கடை சூழ்ந்த வாழ்க்கைச் சூழலுக்குள் சென்று ஆராய இந்த
கார்ப்பரேட்டுகள் தயாராக இருக்கிறார்களா? சென்னையின் பூர்வக்குடி
வாசிகளான குப்பத்து குடிசைவாசிகளின் நிலங்களை அபகரித்து வெறும்
அஞ்சுக்கும் பத்துக்கும் விலைபேசி ஏமாற்றி அபகரித்தவர்கள் யாரென்று
அவரவர்…

தோழர் கோவன் பாடிகாட்டிய பாடல்

Image
மதுவிலக்கு,டாஸ்மார் எதிர்ப்பிற்காக ஆளும் பாசிஸ ஜெ அரசின் கைது
நடவடிக்கையால் சிறைசென்ற தோழர் கோவன் இன்று பிணையில்
வெளிவந்தார்,செய்தியாளர்கள் சந்திப்பில் அவர் எங்கோ அடையாளமற்று கிடந்த
மகஇக இயக்க புரட்சிப் போர்முனைகளை வெளிச்சத்தில் கொண்டு வந்து
பட்டிதொட்டியெல்லாம் பரவச் செய்திட்ட அம்மா அவர்களுக்கு நன்றி! என்றார் .
ஆனால் அப்படியில்லை மகஇக வை இணைய சமூகத்தில் அறியாதவர்களே இல்லை "வினவு
தளம்" அப்படியான ஓர் முற்போக்கு இணைய வெற்றியை கண்டிருக்கிறது எனலாம்.
பிணையில் வெளிவந்த தோழர் கோவன் தான் சிறையிலிருக்கும் போது பாடிய பாடலை
பாடிக் காட்டினார். அந்த பாடல் முதலாளித்துவ எதிர்ப்புறுதி கொண்டதாகவே
உயிர்பெற்றிருக்கிறது.

தோழர் கோவனின் பாடல்:

ஊரெங்கும் மழைவெள்ளம்
தத்தளிக்கிறது
தமிழகம்

இது யாரோட குத்தம்னு
கேட்காத சிறைவாசம்!

சாக்கடை ஊட்டுக்குள்ளே
போக்கிடம் ஏதுமில்லே…
பாக்க வந்த அம்மாவோட
காரு கூட நனையவில்லை..

பொங்கித் தின்ன வழியில்லை
பொட்டலம்தான் கதியில்லை

போயஸ் ராணி ஆட்சியில
போட்டோவுக்கு குறைச்சல் இல்ல…

தீபாவளி சரக்கு ஓட்ட திட்டம் 400 கோடி
தியேட்டரை வளைச்சு போட திட்டம் 100…

பெண் விடுதலை பற்றி பெரியார்

Image
பெண்கள் தங்களைத் தற்காத்துக்
கொள்ளும் பொருட்டு, அவர்களுக்கு ஆயுதம் கொடுக்கப்படுமா என்று
மத்திய சட்டசபையில் கேட்கப்பட்ட
கேள்விக்குப் பதிலளிக்கையில்,
மாகாண சர்க்கார் அவசியமானதைச்
செய்யும் என்று உள்நாட்டு மந்திரியான தோழர் பட்டேல்
கூறியிருக்கிறார். மாகாண சர்க்கார்
இத்துறையில் எதுவும் செய்யும்
என்று நம்பிக்கை
நமக்கில்லை. ஏனெனில், பெண்களை
அடிமைப் பிறவிகளாக
நினைக்கும் வைதிக
மனப்பான்மை
படைத்தவர்களே பெரிதும் மாகாண
மந்திரிகளாயிருக்கின்றனர் என்றாலும்,இவர்கள், எங்களுக்கு எந்த
விடுதலையும் வேண்டாம்!
அடிமைத்தனமே ஆனந்தம் என்று
சொல்லக்கூடிய பத்தாம் பலசாலிகளாகவே
இருக்கின்றனர்.இந்தியப் பெண்கள் கல்வி, சொத்து, திருமண வாழ்க்கைகள் ஆகிய
எந்தத் துறையிலும்
சுயேச்சையில்லாதவர்களாயிருக்கின்றனர்.நவீன நாகரிகம் என்றால்,
பிரிட்டிஷ் பெண்களைப் போலவும், அமெரிக்க பெண்களைப் போலவும்
உடை உடுத்துவதும், அலங்கரித்துக்
கொள்வதும்தான் எனக்
கருதியிருக்கிறார்களே தவிர, இரஷ்யப்
பெண்களைப்போலவும், துருக்கிப்
பெண்களைப்போலவும், போலீஸ், இராணுவம், விமானம் ஓட்டுதல் போன்ற
காரியங்களையும் ஆண்களைப் போலவே
செய்ய வேண்டு…